منتدى طريق التطوير
عزيزي الزائر/ عزيزتى الزائرة يرجي التكرم بتسجيل الدخول
أذا كنت عضو هنا أو التسجيل أن لم تكن عضو وترغب في الأنصمام
إلي أسرة المنتدي سنتشرف في تسجيلك

شكــرا
إدارـــ ة المنتدي
Black Love

منتدى طريق التطوير

طريق التطوير اكبر منتدى لخدمات تطوير المواقع والمنتديات { دعم ، تطوير ، تصميم ، اشهار }
 
الرئيسيةالرئيسية  البوابةالبوابة  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول    


آخر المواضيع
الموضوع
تاريخ ارسال المشاركة
بواسطة
طلب الانضمام الى فريق المنتدى الرائع
تسسسسسسسسسسسسسجيل دخول يا احلى منتدى
نظرات بشر ولكن قاتلة
أنسجة القـوة والمقـدرة !!
مخاوف الرجل من الحياة
يا ادم كيف ترى حواء؟
شفافية القلوب والارواح
الدموع تغسل العيون من البكتيريا الضارة
لا تدمن شرب الشاي بكثرة وتعرف على أضرارة
الأرضي شوكي علاج للكوليسترول
الأربعاء 26 يوليو 2017, 10:39 am
الأربعاء 26 يوليو 2017, 10:34 am
الثلاثاء 25 يوليو 2017, 11:59 pm
الثلاثاء 25 يوليو 2017, 11:59 pm
الثلاثاء 25 يوليو 2017, 11:57 pm
الثلاثاء 25 يوليو 2017, 11:56 pm
الثلاثاء 25 يوليو 2017, 11:55 pm
الثلاثاء 25 يوليو 2017, 11:48 pm
الثلاثاء 25 يوليو 2017, 11:47 pm
الثلاثاء 25 يوليو 2017, 11:45 pm
ѕαα∂ ∂єѕιgη
ѕαα∂ ∂єѕιgη
نور الامل
نور الامل
نور الامل
نور الامل
نور الامل
نور الامل
نور الامل
نور الامل

شاطر|

البنات البنات أجمل الكائنات ,,

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة
عضو برونزى
عضو برونزى
avatar

عدد المساهمات : 259
نقاط : 777
السٌّمعَة : 0
العمر : 23
دولتي : مصر
الجنس : ذكر
مزاجك :
احترام قوانين المنتدى :

مُساهمةموضوع: البنات البنات أجمل الكائنات ,, الجمعة 23 ديسمبر 2011, 1:29 am



ازيكم أخباركم أحوالكم؟
من زمان ماعملتش موضوع تافه ضد البنات [ندعوك للتسجيل في المنتدى أو التعريف بنفسك لمعاينة هذه الصورة]

حاجة كدا لفتت نظري
ليه البنت بتبقى متخشبة و هي ماشية في الشارع ؟
هتقولي متخشبة ازاي هقولك
يعني مثلا انت كراجل و عادي ماشي في الشارع لواحدك رايح مشوارك ,,بتحس انك ماشي بشكل طبيعي ,,يعني بتبص يمين و شمال عالأرض شوية جنبك شوية تبص عالمحل, تسلك ودانك , تبص عالعمارة فوق تشوف الولية الي بتنشر و بتسقط عليك مايه ,,تلاقي بلاعة الغطا بتاعها بيتهز تقوم تنط فوقها شوية و انت معدي,,تحس انك متفاعل مع البيئة و طبيعي

أما البنت فتحس انها متخشبة كدا و ماشية زي القطر ,,لا يمين و لا شمال,,عامله زي الحصان كدا بيركبوله حاجه جنب عينه عشان مافيش حاجه تخايله جنبه و يشوف أدامه ,,بس من غير كرباك و خشاخيش , و تلاقيها فرسة ماشية[ندعوك للتسجيل في المنتدى أو التعريف بنفسك لمعاينة هذه الصورة]

أعتقد ان دا بسبب انها بتفكر ان الشارع كلو بيتفرج عليها و كأنها مراقبة و بتتصور
فدا بيولد فيها خجل بيخلي حركتها في الشارع محسوبة و متخشبة [ندعوك للتسجيل في المنتدى أو التعريف بنفسك لمعاينة هذه الصورة]
أنا بصراحة بتأمل كدا و بقول لا حول و لا قوة الا بالله
لدرجة انها مش بتعرف تعدي الشارع و بتاكل بقى شتايم من سواق التاكسي الي ما بيصدق يلاقي واحده بتعدي الشارع عشان يزمر و يشتمها أو اقل حاجه هيطلع راسه من الشباك و هيقولها : عدي يا ماما
مش عارف أنا التار الي بينكم و بين سواقين التاكسي :)

في مقابل دا ,,لما تتنقب بقى ,,او خلينا نقول كتير من المنقبات أو بعضهم بتلاقي العكس
عينيها بتبقى عامله زي الرادار ,, تلاقيها بتروح يمين و شمال و بتتحرك بسرعة و بتبص على كل حاجة
ماهي بقى متخفية مش مكسوفة من حاجه او من حد يشوفها و هي بتبص

ما تقولش كانت محرومة من البص[ندعوك للتسجيل في المنتدى أو التعريف بنفسك لمعاينة هذه الصورة]
و أحسن واحده تعدي الشارع ,, تحس كمان انها مركبه عين خفية في ظهرها

و دا بيأكد على إن عدم البص دا سلوك مفتعل مش أكتر ناتج من الخجل
لأن الطبيعي هو ان الإنسان يبص حواليه عشان يعرف الدنيا فيها ايه


السؤال التاني
,, ليه البنت بتحضن الكتاب و هي رايحه الكلية أو الدرس
يعني الواحد لو مسك دفتر دا لو يعني (حاجة في ودانكم كدا : أصلي آخر مره استعملت الدفاتر كنت في ثانوية عامة [ندعوك للتسجيل في المنتدى أو التعريف بنفسك لمعاينة هذه الصورة] ,يمكن هو دفتر واحد طول الخمس سنين و بطلت بعد كدا اشيله لأني زهقت من الرسم في المحاضرات فقررت ابطل أحضراصلا)
فلو شيلت دفتر بتلائيك ماسكه بطراطيف صوابعك و مقروف منه بإلي فيه
لكن ايه فكرة اني أحضنه و امشي ,,ما تقولش دبدوب ,,و لا هو الحضن ادمان!!
و لا يمكن بتتمنظر بقى ,,ماهما أحسن ناس تتمنظر و تتكلم عن الكلية و الدراسة بفشخره [ندعوك للتسجيل في المنتدى أو التعريف بنفسك لمعاينة هذه الصورة]
أو يمكن أنا الي ظني وحش و الدفتر تقيل عليها فبتحضنه تحت نظرية انك لما تسند الحاجه على جسمك وزنها بيقل

طيب السؤال التالت
ليه البنت مش بتف عالأرض زي الراجل
يعني بنشوف الراجل على طول خخخخخ تفوووو ,,و تلاقي بلغم كبير عالأرض هههههه
و لو راكب ورا سواق ميكروباص ممكن جزء من التفة تيجي عليك و انت فاتح الشباك و الميكروباص ماشي
و لا لعيبة الكورة ,,احسن ناس تتفتف عالأرض ,,متهيقلي لو الواحد اتزحلق على أرض الملعب , إيده هتلبس في تفافتين تلاته[ندعوك للتسجيل في المنتدى أو التعريف بنفسك لمعاينة هذه الصورة]

و لا هو البلغم دا بتاع الرجالة بس ,,هو انا بصراحة مش بعرف أتف مع انها المفروض ميزه ,,زي التكريع بتريح البطن[ندعوك للتسجيل في المنتدى أو التعريف بنفسك لمعاينة هذه الصورة]
كفاية أرف بقى الله

طبعا البنات هيقولوا يع و بتاع و في الآخر تتجوز راجل بيتفتف
أمال كنتي بتقولي يع ليه ؟ و بتتفرجي على ماتشات الكورة ليه؟ خليكي في المصارعه[ندعوك للتسجيل في المنتدى أو التعريف بنفسك لمعاينة هذه الصورة]

السؤال الرابع بقى و الأخير
ليه البنات هنا في المنتدى بطلوا يردوا عالولاد و يقولوا مرسي عالمرور يا قمر زي زمان
أول ما سجلت كان كل الرجاله اقمار في عيون بنات المنتدى
هل دا له علاقة بفوز الاخوان و السلفيين في الانتخابات هههههههه ؟
حاجة غريبة برضو
توقيع : MR.TITO




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو

البنات البنات أجمل الكائنات ,,

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة
عضو ذهبي
عضو ذهبي
avatar

عدد المساهمات : 826
نقاط : 1458
السٌّمعَة : 2
العمر : 27
دولتي : مصر
الجنس : انثى
مزاجك :

مُساهمةموضوع: رد: البنات البنات أجمل الكائنات ,, الجمعة 23 ديسمبر 2011, 2:31 pm

شكرا لك على الموضوع الرائع
بارك الله فيك
نترقب جديدك الرائع
[ندعوك للتسجيل في المنتدى أو التعريف بنفسك لمعاينة هذه الصورة]
توقيع : مرسا




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mrsa.forumegypt.net/

البنات البنات أجمل الكائنات ,,

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى طريق التطوير :: أقسام الترحيب والتهاني والحوار | T-ALTWER :: قسم النقاشات و الحوارات-